Boris-Antoine Legault <boris.lega...@gmail.com>

Saluton al vi ĉiuj !

Estas tre interesaj ideoj kaj bela entuziasma ĉe ĉi-tiu listo. Mi jam
komunikis pere de ĉi-listo antaŭe, sed mi forgesis prezenti min. Do mi
estas Boris-Antoine Legault (boriso), kaj mi loĝas en Kanado (proksime
de Otavo kaj Montrealo). Interalie, mi estas komisiito de la Amerika
Komisiono. Ĝis nun tie, mi ĉefe helpis pri reta agado kaj prizorgas
nian komunan retejon : www.ameriko.org. Mi ankaŭ estis unu el la
organizantoj de TAKE lastjare kaj helpis al okazigo de la reta
konferenco kiun kelkaj menciis en aliaj mesaĝoj. Ĝenerale, mi ne plu
esperas je rapida kresko de esperanto (almenaŭ en mia lando) en la
"reala" socio, sed koncentriĝas pli kaj pli pri reta agado (kiu cetere
estas laŭ mi idee eĉ pli interesa ĉar translima). Mia plendo pri la
nuna reta esperantujo estas ke ĝi ne estas bone strukturita :
malfacilas trovi kion oni serĉas, pluraj kreas propran blogejon aŭ
novaĵejon, sonregistradojn aŭ filmetojn, ktp (foje tre interesajn
enhave sed malbrilaj teĥnike). Tiuj retejoj restas nekonataj de la
plejmulto. Ne ekzistas bonaj centraj lokoj por la tutmonda
esperantistaro. Ne ekzistas amaskomunikila strukturo por
esperantistoj. Pro tio mi kreis kaj daŭre prizorgas la retejon
"www.gazetejo.org" kaj de antaŭ nelonge ankaŭ prizorgas la retejon
mondakalendaro.org, lerte kreita de Joan Catala. Mi havas kelkajn
aliajn ideojn por tutmondaj retaj esperantaj agadoj, sed bedaŭre
mankas la tempo realigi ilin.

Ĉiuokaze, por reveni al la temo, mi havas alian proponon pri reta
babilado. Anstataŭ IRC* aŭ MSN*, mi proponas ke oni ekuzu komunan
esperantan retejon por niaj skribaj retkonferencoj  -- mia celo estas
ke iom post iom ĝi estu la ĉefa retloko por simplaj retaj renkontiĝoj
(t.e. nevoĉaj, nevideaj). Tiel facile oni povus interkomuniki dum
samtempaj sed malsamlokaj kongresoj, oni povus retdiskuti strategiajn
temojn dum oficialaj retkunvenoj, okazigi retajn kursetojn,
informsesiojn, ktp. Eventuale, povus esti (agrablaj kaj kompetentaj)
voluntuloj por respondi al demandoj de neesperantistoj plurlingve,
ktp, ktp. Tiujn eventojn oni anoncus rekte ĉe www.fenestro.net sed
ankaŭ ĉe mondakalendaro.org.

Do, jen mi ĵus kreis retejon tiucele : www.fenestro.net. Ĝi funkcias
pere de la programo Drupal, tiel ke aldoni uzeblecojn preskaŭ
senlimas. Nun troviĝas nur simpla babilejo kun babilĉambro : tejo-
ameriko (www.fenestro.net/tejo-ameriko). Oni nun ne devas membriĝi la
retejon por partopreni la diskutojn (sed tion oni povus ŝanĝi
eventuale). Mi do proponas al vi prov-uzi tiun simplan por eventualaj
babiladoj.

Lasta komento : en la venontaj monatoj mi ne havas multan tempon por
kreskigi la retejon (traduki, aldoni pliajn ilojn, plibeligi, ktp) sed
jam ĝi estas uzebla. Se iu ŝatas la ideon kaj volas helpi, bonvole
kontaktu min, mi donos al vi pliajn rajtojn por evoluigi la retejon.

Notu ke plia advantaĝo (krom la supre menciitaj ideoj) uzi retejon
anstataŭ IRC, MSN aŭ similaj estas ke ne necesas instali programon,
kaj tiel eblas uzi ĝin ie ajn, sen grandaj teĥnikaj kapabloj.

mi plej amike salutas vin,
boriso

On 5 mar, 12:42, Ĥod <rodrigo....@gmail.com> wrote: