Saluton, karaj komitatanoj!

eble vi jam aŭdis aŭ legis, ke mi forlasos mian postenon de redaktisto de
TEJO Tutmonde. Ĉi-sube estas alvoko por kandidatiĝo por ĉi tiu posteno.
Bonvolu disvastigi ĝin ankaŭ inter aktivaj junuloj en via lando.

Amike,

Marcos

----

Nova redaktisto por TEJO Tutmonde serĉata

Ĉu vi bone regas Esperanton, bone konas la Esperanto-movadon, ŝatas verki
kaj redakti, sed ĝis nun ne havis okazon apliki viajn talentojn por la bono
de Esperanto? Jen perfekta ŝanco por vi! La nuna redaktisto redaktos TT-on
ĝis Junio 2009. Do, ni serĉas novan redaktiston kiu povos eklabori en Junio.

Kandidato por la TT-redaktista posteno havu:
– Bonegan lingvoscipovon
– Profundan konon de la junulara Esperanto-movado specife kaj la Movado
ĝenerale
– Kapablon redakti kaj revortumi eĉ la plej malfacilajn (foje burokratecajn)
artikolojn/raportojn
– Kapablon instigi/varbi kontribuantojn
– Kapablon kunlabori kun la redaktisto de Kontakto por samtempigi la
prespretiĝon de TT kun tiu de Kontakto
– Kapablon mem grafiki/enpaĝigi, aŭ havu helpanton kiu povas tion fari (la
nuna redaktisto povas iom helpi al la sekva redaktisto lerni uzi simplan
komputilan programon por enpaĝigo, se tiu jam havas sufiĉe da bazaj
komputilaj kapabloj)

La redaktisto de TEJO Tutmonde ricevas honorarion de 400 eŭroj jare.

La nova redaktisto eklaboru ekde la mezo de Junio. Por ke la postentransdono
povu okazi kiel eble plej senprobleme, la nuna redaktisto planas helpi al la
nova redaktisto ĉe lia unua numero (kiu devos esti preta meze de Aŭgusto).

Por informoj pri la redakta laboro mem, kontaktu Marcos CRAMER (
tejo-tutmo...@tejo.org ).

Por kandidatiĝi sendu viajn vivresumon kaj kandidatiĝan leteron ĝis la fino
de Aprilo al la Ĝenerala Sekretario de TEJO – Anna-Laura WICKSTRÖM (
gxen-...@tejo.org)
_______________________________________________
TEJO-komitato mailing list
TEJO-komit...@listoj.ikso.net
http://listoj.ikso.net/mailman/listinfo/tejo-komitato

--
Verdajn brakumojn el la plej verda loko de la tuta mondo,

Sammondane,
Ĥod